Eusko Jaurlaritzako Aniztasun, Bizikidetza eta Belaunaldien arteko Elkartasun Zuzendaritzarekin batera antolatu dugun jardunaldi hau datorren azaroaren 28an, larunbata, izango da Donostiako Tabakaleran.
Sinesmen, espiritualtasun eta konbikzioen aniztasuna euskal gizartearen egiturazko errealitatea da. Erlijio ezberdinetako pertsonak eta erlijiorik gabeak elkarrekin bizi gara familietan, auzo eta herrietan, eskoletan, lantokietan eta espazio publiko zein komunitarioetan. Nola eraikitzen dugu berdintasunezko bizikidetza eta zerk ahalbidetzen digu komunitatea egitea gure ezberdintasunetatik abiatuta? Espazio hauek partekatzeak gizarte osoari eragiten diguten aztergaiak mahaigaineratzen ditu: aitortza, nortasuna, bideko tratua eta parte-hartzea.
Jardunaldi honen bidez, galdera horiek arakatzera, esperientzia zehatzak ezagutzera eta bizikidetasuna zeharkatzen duten aukera, dilema zein ezberdintasunen inguruko begiradak partekatzera gonbidatu nahi zaituztegu. Topaketa, elkarretaratzea eta komunitatearen eraikuntza zerbaitek errazten duen hausnartzeko baliatuko dugu, baita Euskadin erlijio-arteko elkarrizketa sustatzeko ere, betiere erlijio eta kontzientzia askatasunari zor zaion errespetutik.
Horretarako, nazioartean ospe handia duten Lori G. Beaman (Ottawako Unibertsitatea) eta Maria del Mar Griera (Bartzelonako Unibertsitate Autonomoa) soziologoen hitzaldiak izango ditugu. Ondoren, mahai-inguru bat egingo dugu komunitate-esperientziei buruz, eta bertan parte hartuko dute Joseba Ossak (Zumaiako GUNE erlijio-arteko elkarrizketa elkartekoa), Palmira Dualek (Irungo Kera emakume ijitoen elkarte feministakoa), Jon Mentxakatorrek (Mondragon Unibertsitatekoa) eta Sundus El Farahi (erizaina eta Ellacuría Fundazioko erlijio-arteko elkarrizketa taldeko kidea). Topaketari amaiera emateko, erlijio eta konbikzio arteko ospakizun bat egingo da, Ellacuría Fundazioko gazteen Erlijio-arteko Elkarrizketa Taldeak koordinatuta. Ez ezazu galdu!
Data: 2026ko azaroaren 28a, larunbata
Ordutegia: 09:30etik 14:00etara
Tokia: Tabakalera, Donostia (Prisma aretoa, sarrera Andre zigarrogileen plazako 1. zenbakitik)
Izen-emateak: https://bit.ly/4zJE5kU
